De Plattdüütsch Goddesdeenst
Liturgie as wi 2018 fiert het (Liedblatt 2018)
Liturgie as wi 2017 fiert het (Liedblatt 2017)
Liturgie as wi 2016 fiert het (Liedblatt 2016)
Liturgie as wi 2015 fiert het (Liedblatt 2015)
Liturgie as wi 2014 fiert het (Liedblatt 2014)
Liturgie as wi 2013 fiert het (Liedblatt)
Liturgie as wi 2012 fiert het (Liedblatt)
Liturgie as wi 2011 fiert het (Liedblatt)
Liturgie as wi 2010 fiert het (Liedblatt)
Liturgie as wi 2009 fiert het (Liedblatt)
________________________________________________
De Plattdüütsch Gottesdeenst an´n 4. November 2018
Klock 10 in de Lutherkaark to Westerrönfeld
Klockenklang | Voerspeel
Laat uns Gott löven
Votum (P. Zimmermann-Stock)
Paster: Wi fiert de Gottesdeenst, in´n Namen vun Gott, den Vadder, den Söhn un den Heilligen Geist.
Gemeende: Amen.
Paster: Gott alleen wart uns hölpen,…
Gemeende: …he het Heben und Eerd maakt.
Paster: Jesus Christus sien Gnaad, Gotts Leevde un den Heiligen Geist sien Gemeenschop de wees mit ju all!
Gemeende: Un mit de Geist, de op di liggt.
Gemeende Paster: Amen
Een Woort vörut (K. Woldt)
Psalmgebeed (N. Cramer)
Gloria (P. Zimmermann-Stock)
Gemeende un Paster: Ehr wes den Vadder un den Söhn un den Heilligen Geist, as dat weer in Anfang, hüüt un all de Tied un vun Ewigkeit to Ewigkeit. Amen.
Paster: Kyrie eleison.
Gemeende: Herr, erbarm di doch.
Paster: Christe eleison.
Gemeende: Christus, erbarm di doch.
Paster: Kyrie eleison.
Gemeende: Herr, erbarm di över uns.
Kyrie
Paster: Ehr wees Gott in de Hööchde.
Gemeende un Paster: Alleen Gott in de Hööchd wees Ehr/ un Dank för all sien Gnaden,/ dorüm dat nu un nümmermehr/ uns röhren kann keen Schaden./ Groot Wohlgefalln Gott an uns hett;/ nu is ohn Ophooln grote Freed./ All Striet hett nu en Enne.
Kollektengebeed (K. Woldt)
Epistel (A. Ströh)
Ankünnigung för de Epistel (opstohn)
Epistel
Gemeende: Halleluja, Halleluja, Halleluja!
Jesus is kamen
Evangelium (A. Ströh)
Ankünnigung för dat Evangelium (opstohn)
Gemeende: Ehr wees di, o Gott! (neu)
Evangelium
Gemeende: Loff wees di, o Christe!
De Glooben
Ick glööv an Gott, den Vadder.
He alleeen is allmächdig.
He hett Heben un Eerd ut nix warrn laten.
Ick glööv an Jesus Christus,
Gott sien eenzigen Söhn, unsen Herrn.
He is Minsch worrn dörch den Heilligen Geist,
boren vun de Jungfruu Maria,
hett leeden un is an´t Krüüz slaan ünner Pontius Pilatus,
is storben un to Graff bröcht, dalfahrt nah dat Dodenriek.
He is den drüdden Dag operstahn vun de Doden
un is opfahrt nah´n Heben.
Dor sitt he an de rechte Sied vun Gott,
den allmächdigen Vadder.
Vun dor warrt he wedderkamen un Gericht holen öwer de Lebennigen un öwer de Doden.
Ick glööv an den Heilligen Geist,
een heillige Kaark,
de Gemeende vun de Heilligen;
ick glööv, dat de Sünnen vergeben warrt,
dat de Doden operweckt warrt
un dat Leben von de tokamen Welt.
Amen.
Nun danket Gott alltohoop
Predigt (P. Heinz Zimmermann-Stock)
Mag söcken veel de söcken will
Wat bekannt to maken is (K. Woldt)
Dat du mi mitsingen letts
Kaarkengebeed
(N. Cramer, K. Dunker, A. Ströh)
Vadderunser
Uns Vadder in Heben:
Laat hillig warrn dienen Namen.
Laat kamen dien Riek.
Laat warrn dienen Willen, so as in Heven,
so ok op de Eer.
Uns´ dääglich Broot giff uns vundaag.
Un vergiff uns unse Schuld,
as wi de vergeben doot, de an uns schüllig sünd.
Un laat uns nich versöcht warrn.
Maak du uns los un frie vun dat Böse.
Denn dien is dat Riek un de Kraft
un de Herrlichkeit in Ewigkeit. Amen
Kumm un segen uns
Utsenden un Segen (P. Zimmermann-Stock)
Paster: Gaht nu hin in Fredn vun Gott.
Gemeende: Gott wees ewiglich Dank!
Paster: Segen
De Herr segne di un he bewahr di.
He hool sien Henn över di un geev di Gnaad.
De Herr (he) laat sien Oogen op di run un geev di Fredn.
Gemeende un Paster: AMEN
Naspeel | Klockenklang
Kirche in Westerrönfeld 