Ostern to mien Kinnertied


egg-100170_640Vör uns Kinner weer Ostern no Wiehnachten dat schönste Fest. Endlich geev dat weer wat to naschen. Schokolodeneier, Osterhosen ut Schokolod, bunt anmolte, richtige Höhnereier. Ja, dat weer för uns dat Wichtigste. Ick weer wull so bi söss Johr old. Wi wohnten noch in de Baracken, vörnehm utdrückt, weer dat de sogenannte Kinnergorn. Hüt steiht dor de Praxis vun Iris Kaack.
An fröhen numdag vör Ostersündag 
hebbt wi Nester buut. Moos un Gras geev ja noog to finnen in uns Westerrönfelder Heid. Ringsherüm üm de Baracken hebbt wie in Sand eene Kuhl mit de Hannen uthoben, üm dat Moos und Gras akrat to plazieren. Meisten weer ok in al de Nester wat bin,een männigmal ok twee Stücken.

Ober veel spannender weer ja, an Ostermorgen mit een groten Birkenbusch, so as de Rute vun Wiehnachtsmann, bi de Novers ton singen. Fröhmorgens güng wi los, kloppten an de Dör, rin in de Stuuv. Dor hebbt wi sungen:

Stiep, stiep, Osterei gibst Du mir kein Osterei dann stiep ich Dir das Hemd entzwei.

Meern bi dat singen hebbt wi mit den Birkenbusch bi de groten Lüüd op den Moors haut. Dormit wi ophörn deen, geev dat Ostereier ok mol Schokolod. WUNNERBOR !!!
Wo düsse Brauch herkümmt, weet ik nich genau. Ober mien Süster Bärbel Bejeuhr hett dat so bestätigt. Ik glöv, dat hebbt de Lüüd ut den Osten mitbröcht, denn to de Tiet leevten dor jo blot Flüchtlinge. Un liekers, ok wenn dat blot Baracken weern, för uns Kinner weer dat dat Paradies op Eern.

Klaus Woldt

Advertisements

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google+ Foto

Du kommentierst mit Deinem Google+-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s

%d Bloggern gefällt das: