Archive for April 4th, 2010

4. April 2010

Ostern

Ostern
Nu warrt dat hell na all de Noot,
warm kummt dat Licht vun’n Heben.
De Harten hebbt nu weller Moot, –
uns Herrgott nimmt vun uns den Dood,
he gifft uns Freud und Leven.

De Wintertied weer man een Droom,
loot nu de Glocken klingen.
Dat warrt nu gröön an Busch un Boom,
Märzbeker lüdt un Osterbloom; –
in Wald un Feld een Singen.

Wo männigeen weer süük un krank,
– foolt still sein Hann’n to’n Beden –
warrt nu gesund un is vull Dank;
uns Welt is vull vun Loovgesang.
Is se ok vull vun Freden?
Rudolf Horstmann

Werbeanzeigen